zie komt in rie’jen van twee

er huuzen zo hele volkstammen met

ut valt dan ok nie mee

as ze oonse iekenbeume bezet

uuterlek bint ze hoarig

zie wut e’harst, weggezöggen of verbraand

die dan nog blieft zitten, bint vaste dan nog weh oarig

doar is wat aans met an de haand

as ze de kaans kriegt, vret ze hun boek vol

doarnoa pakt ze zich warm in

ontpoppen is dan hun aandere rol

want der zit ok nog un vlinder in

wat ik mie of vroage dan

is un nachtvlinder dan zo leeluk as de nacht

net offe nie lachen kan

of isse zowel kwetsbaar as zacht

dan bint de luu nog nie kloar

zie wilt de gelegde eier tellen

doarin zit dan weer ut volgende gevoar

hoevölle bestrijdingsmiddelen mut wie veur ut volgend joar bestellen

©2019 Piet plezier.

Klik hier um noar boam te goane.