Haarle15.jouwweb.nl
Home » (Korte) verhalen (dialect) » dattig joar bie de bleeke.

dattig joar bie de bleeke

Dattig joar bie de bleeke.

Da’s nie niks.

Dag in dag oet, oaver de barg.

Moar dat hef mie nog nooit verveelt.

Wat un gewone dag had mut wun’n.

Was d’r ene um nooit te vergetten.

In plaasse van nog een kwatier te mutten wach’n,

Steet d’r opeens ’n lange limo veur de deure.

Eers hak nog niks in de gaten.

Tut da’k twee coleegaas zagge met fotocamera’s.

De sjouffeur bell’n netties an en zei: “ie mag met”.

Met ziene viem bin wie d’r achterinne kruppen.

Twee motoren ree’n d’r met.

Prins carnaval van de Sukkewottels zol d’r jaloers op wu’n.

Em un eisie halen in Heldern.

Dan gaow vedder richting de bleeke.

“Ik heb nog een klenn verassing veur oe”, ze’t de sjouffeur nog.

Un halm haane haln bie de poelier.

Bie de bleeke lig de rooje loper al uut.

Zie stoat allemoal te kieken.

Em zwaajen en zie begint te klappen.

Ut feest kan begin’n.

Haanties schudden’n en dan op noar de borrel.

Doar bint de meesen we veure kom’m.

Aj noe denkt noe hej alles u’hat, dan hej ut mooi mis.

Oanse schoonzunne giet nog goochel’n.

Met un paar lont’n van Ten Cate.

Hej maak ze zo kotter en langer.

Doarnoa pakte de panne.

Doarin stekte unne lappe in de fik.

Asse de deksel d’r op dut en d’r weer of haalt.

Kumt d’r een book te veurschien.

Met doarin alle korte stukkies wat ik ooit hebbe schreem.

Dat nie alle colleegaas det weet, ziej weh an det book.

Ut geet van haand tut haand.

Det bint noe streken, woar ik weh van hoale.

Ik doe d’r zelf ok vaake an met.

Loat ditte dan ok gewoon over mie hen kom’m.

Veural um daj d’r niks an kunt doene.

Ie mut gewoon geniet’n van de dinge, die op oene pad teeg’n komt.

Die blieft ut beste hang.

Deur’um um niemaand te vergetten.

Bedankt allemoal, ut was onvergettelijk dag veur mie.

 

©2011 Martin Wichink.


Un kleine inpressie van mien feesdag.

 

Bie mie veur de deure.

 

Un heuse limo in de stroate.

De sjouffeur belt bie mie an.

Em pooseern veur de foto.

 

De sjouffeur vunt ut ôk allemoal mooi.

Eers noar Helndoorn veur un eissie.

Doar hoalt Martin zo van.

Dan giet ut noa Nijverdal toe.

Un halve haane van de poelier.

Bie ut wark stoat ze van miene ploeg al te wagg’n.

Ok aandere fabrieksluu kump’ter bie stoane.

Ok oalt coleegaa’s stoat’er te waggen.

Oplett’n allemoal. De limo kump doar an.

De poorte is breed sat.

Ie mut wéh groote bogg’n maak’n.

Stopp’n bie de rooje loper en

doar hej den feestvark’n wéh.

Met de hele meute op stap.

Kadoogie van mien kleinkind.

Wie mag deurloop'n noar binn van de kantinebaas.

Wéh netties oaver de rooje loper hen.

En de rest ôk.

Feelisietaatsies van de koleegaa’s.

De rieje is lang.

Der is ruumte zat.

De koleegaa’s hept allemoal un stoel e'vun.

Diereksie en OR luu waan der ôk.

De kantienebaas kent ziene papheimers wéh.

Ut zat mooi vol.

Dan nemt miene schoonzunne ut woord.

Hij googelt eers wat met un paar stukkies touw.

Dan kum'pe met de panne veurn dag.

Veur disse sjoow maak'um ém help’n.

Hij stekte un stuk papier in de fik en dut dan de deksel der gouw op.

Dan haal’te tut miene verbaasing un boek veur’n dag.

Det heffe saam met miene vriendinne en heur dochter e’reegelt.

Zo zöt de buut’nkaante van mien boek der uut.

Doarnoa zoept wie der met de koleegaa’s uut de ploeg, saam nog ém un pulsie.

Un plakaate wut der ôk altied bie e’maakt. (zie hieronder)

 

Martin datteg?

 

Martin luu hef datteg joar ant febriek ehwarkt

en met volle plezier det hej wel eh markt

hij is noe alrouwt vakman in de varverieje

het mut goet ehen, hij holt nie van knooijerieje

verhaaln sgriem dutte graag, ma whe met moate

het is de Simon Karmiggelt van te coate

heel goeie resensies heffe doar ok ah van eh hat

zo ise geregelt met de verhaaln op pad

zelfs de luu van de kraante weet hum te vinn

kon ie ok stukkies veur in de kraante vezinn

toen de koniginn hier was int febriek, nam ze Martin apart

sie sei de sgeurkalender van soestdijk is den veur oe nog wat

ajt kont wagn loak oe ophaalnn met de vliegmasiene

Majesteit zei Martin, ik goa liever in miene liemoosiene

zo is Martin luu, hij blif altiet besgeiden

en wie hepter een meraakel besn kooleegaa an

o ja Martin, hier ok nog effen een goeie hint (*opa)

sgrief mar mooie verhaalnn veurr oe kleinkint

want wie weet daj der meraakel trots op bint

Martin en José ’t allerbeste gewenst

            oene kooleegaas.


Bin ie noe niewsgierig e'wun noar ut Googeln? Klik dan hier.

©2011 Martin Wichink.


Reactie plaatsen

Reacties

Er zijn geen reacties geplaatst.
Rating: 0 sterren
0 stemmen

Klik hier om naar boven te gaan.

Maak een Gratis Website met JouwWeb