Tjonge jonge wat un veraanderingen in Hoarle allemoal. Noe is der a weer un nie’je rondweg der bie e’kum of heb ie det nog nie e’zeene. Muj ma is goan kieken bie de ingang van de pas. Doar hebt ze de ingang veraanderd.
Eigeluk is ut weh un bettie vremd. Noa de groote boern opstaand in Hoarle, mös staatsbosbeheer de weg weh aans neer leng bie de pas.
De oplossing die ze noe bedach hept is eigenlijk zo gek nog nie, ma leze in de kraante dat dit ma tiedelijk is. Woarumme vroag ie oe dan of? Zoln ze tevölle geld hem, dat ze doar zo met smiet?
As ze noe meteene ut weilaand noast de huidige parkeerplaatse der bie pakt die ze noe ok a gebruukt, dan zol ie doar eene groote parkeerplaatse van kunnen maaken, net zo as ze eigenluk op de enk van plan waan.
Ma dan noe in ut bos zelf. Aj dan achteran meteen zorgt dat de peerde doar uut de aanhangers kunt kommen en dan gelieke doar ut bos in, dan loopt die verder doar ok niet zo völle kapot. De fietsers, rolstoelrieders en skoetmobielkoereurs kunt dan zonder hinder van de autoos oaver ut verharde fietspad. De luu mut net as noe tog terugge loopen veur informaatsie in de skuure of as ze koffie wilt drinken bie de pas.
De wichter kunt vrie spöllen in ut oerbos. Zo heb ie iedereene tevrenne en wut de herberg der ok bie betrökken. Zo hoef ie ma een keer geld uut te geem en dan hep ie un mooi verharde weg wat nie meer stöf. Zol dit nog we ut geval wenne, dan kuj ut aaltied nog un bettie ankleejen met laage boskaasje. Doar hebt jullie weh ervaaring met. Hoe mooj wuj ut hem.
Zo ziej ma weer daj met un bettie boeren verstaand nog un heel enne kunt kom.
Dan blef der meskien nog un bettie geld oaver um ut struinpad is noa te kieken. Noe is ut tussen de beume nog weh is un bettie modderig.
Net of ut water doar nie aaltied weg wil. Ik klaage nie, doar is det stukkie te mooj veur. Ma mag thuus met de modderskoene nie zo na binnen hen. Al heb ik dan un mooj runtie e’loopen.
Reactie plaatsen
Reacties