Haarle15.jouwweb.nl

Onweer in Hoarle

Is oe weh eens oppevaln dat wie eigenluk in un prachtig onweersgebied woont. Niet dat ik luu die der oojt is las van e’had hebt teeng de heure in wul strieken, want det is ut laatste wat ik wille. Aj der schaa van hebt e’had is a arg genog, loat stoane as der ok nog doojen of gewondern der bie bint e’valn.

Ik wulle ut gewoon is oaver ut onweer zelf hem. Aj un onweersschoer vanuut Roalte oonse kaante uut kump, dan is ma net hoe zwoar de buuje is. Det wul zeng, isse te zwoar, dan rengt ut em goed in Hoarle, veurdatte de barg oaver giet.

Aans wut ut, as zon buuje uut ut zuuden kump, van de kaante van Demter. Dan mutte doar eers a oaver de iessel hen.

Dan mutte nog un keuze maaken ok. Goa ik via Hoarle of langs de kaante van Holten langs de barg. Kösse ut laatste, dan wut Holten, Riessen en Nijverdal nat, umdat de Regge dan ok nog wat te zeng hef, net as de knienenbarg.

Ma köss de buuje de kaante van Hoarle, dan kregge ut vaake muulek asse langs de Sallaandse heuvelrug hen schoert. Asoffe dan meer um ziene as tolt en dan snelheid verlöss. Dan kriegt wie ok un bettie (völle) water met. Zeker asse dan ok nog nie de barg oaver kan. Dan bleffe drei’jen en lötte ut water valn, tutdatte de wolken lig genoch bint zodatte de barg weer oaver kan. Giet dit weh in een keer, dan kriegt ze in Helndoorn, Luttenbarg of Lemele de stroate schoone. Tis dan ma net woar zo’n buuje dan hen trekt. Ma det zal mie dan ok un zörg wenne. Ut mooje schowspel is dan toch a weer veurbie. Tis ma weer wachen tutdat ut de volgende onweersbuuje weer langs kump.

 ’s Nachts ziej de donderslaagn weh better en kan soms de luch ok helemoal gekleurd wenne. Ma snappe ok daj der bange van kunt wenne.

©2018 Piet Plezier.


Reactie plaatsen

Reacties

Er zijn geen reacties geplaatst.
Rating: 0 sterren
0 stemmen

Klik hier om naar boven te gaan.

Maak een Gratis Website met JouwWeb