Vedorie nog is an toe. Hek mie vandaage mooj ling te versloapen. De zunne stiet a hoog an de hemel en tis noe a warm op de sloapkamer. Gin sekonde meer te verliezen met zo’n moo’je dag. Snel trek ik mien piejaama uut en trekke un skoone onderbokse an. Beide sökken trek ik an de linker en rechtervoet en dan volgt mien spiekerbokse en t-sjurt doar achter an. Veurzichtig trek ik em laater de gordienen löss van de sloapkaamer en kieke em na buuten.
Ut gröss bie de buurman lek weh gruuner dan bie mie, ak det zo zie. Det kump umdat noe ziene vrouwe topless lig te zunnen. Den hef un best stuk holt veur de deure ling ak det zo zie. Zo wuj nog weh un keer onder ut droad deur vretten, bedenk ik mie te plekke. Miene jongeheer is ut doar ok met eens en kump omhoog um ok is met mie met te kieken.
Wat zo’n klein stukkie beskarmd textiel a nie te weeg kan brengen, asse der nie meer is woare heurt te hangen.
Zol deurumme Geert Wilders zo teegn boerkas wenne, vroag ik mie dan doarnoa of?
Stel oe is veur dat hij wet hoevölle kieloos katoen, kinderhaane meskien mut plukken um zo’n bivakjurk te maaken.
Of mag wie aans meskien nie eens wetten, hoevölle olijfboomenholt zie veur de deure heb ling. Nie dat det zovölle uut maakt. Ok de binnenkaante van’t mense mut goed wenne. Ma as ze oe noe an kiekt deur den spleet, wet ie noe nie of ze de middelvinger na oe opstekt onder den laak’n.
Ut lek mie ok lastig aj neudig mut pissen. Mag ze dan zo’n jurk weh opbeuren of graaf ze eerst un gat in de grond, woar ze boam goat hangen?
Kanne mie eigenluk ok nie veurstellen dat dit met hun geleuf te maaken hef. Ut zol tog knap wenne dat ze toen a wussen, dat ze noe zo’n jurk hann. Woar ie net as bie un intergraalhelm de kleppe kunt verskoem, aj wat wult etten of zoepen.
Det is innoevaatsie van dissen tied, aans haj ze noe nog weh bie V(ee) en D(ee) kunnen koopen. Die han ok un hoop verstaand van die dingen. Ma ut zal weh oet ut buutenlaand motten kommen.
Vedorie, hef de buurvrouwe zig net ummedreit en is op de boek goan ling. Noe valt der weinig meer te ziene en met al det dagdreumen, hek ut moojste stukkie van de film mist. Nouw ja, aander keer better.
Noe mie em wassen, taane poetsen en dan op noar de koffie met snee stoete.
Reactie plaatsen
Reacties